Историјата и имињата ги ставивме во основата, со која почнавме да ја градиме европската и евроатлантската иднина. Ова го изјави премиерот на Република Македонија, Зоран Заев, за време на церемонијата на одбележувањето на 114-годишнината од избувнувањето на Илинденското востание во Скопје. 

„Има светла иднина за нашата Република Македонија и има иднина за секој во нашата убава земја. Историјата и имињата ги ставивме во основата, со која почнавме да градиме  градиме европската и евроатлантската иднина на Република Македонија, што доведува до квалитетен живот“, истакна Заев.

Според него е слушнат заветот на Гоце Делчев и Македонија и Бугарија си подале раце и создале пат за развој. Токму за развој се потребни доброволно подадени раце на граѓани и народи, кои се поддржуваат и работат заедно. „Нашата цел е членството во ЕУ и НАТО. Верувам дека Македонија го прави потребното. Подадовме рака и надвор од границата на Македонија и има одговор - прифатена рака. Ние сме заедно со соседите и пријателите, официјалните претставници на Република Бугарија“, коментира Заев. 

„Премиерот Бојко Борисов, владата и парламентот на Бугарија покажаа вистинска одговорност кон нашите заеднички цели, затоа денес заедно ја упатуваме пораката. Регионот е подготвен да води политики на зрелост, мудрост и посветеност на своите граѓани. Регионот се однесува европски и заслужува да стекне право да се развива во евроатлантското семејство“, додаде Зоран Заев.