ЗАБРАНА ЗА ЛЕТАЊЕ ДРОНОВИ: Ова се однесува за осум општини
Забрана за вршење операции со дронови е издадена за територија на осум општини.
Oва се однесува за Кочани, вклучувајќи ги и селата Оризари, Тркање и Зрновци, Штип со околните места, Општина Чешиново-Облешево, вклучувајќи ги селата Соколарци и Чифлик, Струмица со околните места, Пробиштип со околните места, Македонска Каменица со околните места, Виница, вклучувајќи го село Митец и Скопје – гробиштата во Бутел, во Ѓорче Петров, гробиштата во село Горно Лисиче и во село Горно Нерези.
Министерството за внатрешни работи(МВР) ги информира граѓаните и сите корисници на воздухоплови без екипаж (дронови) дека од Агенцијата за цивилно воздухопловство е поставена забрана за вршење на било какви операции со воздухоплови без екипаж (дронови) на територијата на осум општини.
Неовластеното, некоординирано оперирање на овие воздухоплови не само што го загрозува воздушниот сообраќај, туку може да предизвика сериозни последици по животот и имотот на трети лица на земја. Оперирање со воздухоплови без екипаж во забранети зони е основ за поведување постапка за санкционирање во согласност со Законот за воздухопловство.
Утре ќе бидат погребани лицата кои загинаа во неделата во пожарот во дискотеката во Кочани. Вчера новинарски екипи беа повикани на разговор поради користење на дронови.
foto freepik.com/alexeyzhilkin
Слично
Поврзани вести
