ЗА ЖРТВИТЕ ОД НОВИ САД: Во српската амбасада во Македонија е отворена и Книга на жалост
Книга на жалост е отворена во просториите на амбасадата на Република Србија во Скопје, по вчерашната несреќа во Нови Сад каде се урна натстрешница од Железнична станица и каде загинаа најмалку 14 луѓе, меѓу кои и еден Македонец.
Книгата на жалост ќе биде отворена до 4 ноември, во период од 12 до 18 часот, информираа од амбасадата.
Српската влада го прогласи денешниот ден за Ден на жалост во Србија.
Меѓу загинатите е и Васко Саздовски од Македонија – 45-годишен научник којшто работел во Институтот „Биосенс“ во Нови Сад, каде што се истражуваат и развиваат информатички технологии за земјоделството.
Слично
Поврзани вести
