Граѓанската иницијатва „За заедничка Македонија“ од утре продолжува со протестите. 

Во Скопје и во повеќе градови во Македонија утре во 17 часот тие повторно најавуваат протести за одбрана на унитарноста на државата и против Тиранската платформа.

„Горди сме на граѓаните кои во целиот изминат период покажуваат храброст, достоинство, чест и непокор пред неправдите. Граѓаните кои застануваат зад идејата „За заедничка Македонија“, идејата за суверена Република Македонија во која рамноправно, без уцени и дискриминации ќе живеат сите нејзини граѓани. Граѓаните кои нема да отстапат и кои се подготвени во оваа битка да одат до крај, до финалната победа! Никакви заплашувања, закани, навреди и разно-разни обиди за деморализирање на луѓето нема да им пројдат. Напротив, ни даваат уште поголема енергија, воља и мотивација за да продолжиме уште похрабро, уште поцврсто и уште понепокорно. Никој не смее да си игра играчки со оваа земја. Никој нема право и нема да му биде дозволено да го крши Уставот и да замислува дека незаконски ќе избира претседател на Собрание како да бира претседател на куќен совет. Ако за оние кои праќаат поддршка за нелегитимниот и незаконски т.н. претседател на Собрание, Талат Џафери, ако за нив Македонија е играчка, за нас е светиња и со неа нема играње. Исто како што нема и со нас“ - напишаа денеска на Фејсбук од граѓанската иницијатива.

Нелегитимниот Џафери заедно со квислинзите од тиранската коалиција не ги признаваме и никогаш нема да ги признаеме. Наместо да одат по демократскиот пат и да го почитуваат Деловникот, Законот за Собрание и Уставот, се решија да извршат државен удар и на сила да ја преземат власта, додаваат од иницијативата.