Специјалната јавна обвинителка, Катица Јанева по средбата со еврокомесарот Јоханес Хан кажа дека го запознала како се одвива работата на СЈО. 

Го информирала и за сите предизвици со кои обвинителството се соочува.

„За сè еврокомесарот ќе си каже на прес-конферецијата во 14 часот“ - рече таа. 

По средбата со лидерите на ДПА и на ДУИ, Мендух Тачи и со Али Ахмети, еврокомесарот Хан напладне во седиштето на СДСМ ќе се сретне со лидерот на партијата,   Зоран Заев, по што во седиштето на ВМРО-ДПМНЕ, ќе се сретне со Никола Груевски.

Претходно, Хан се сретна со премиерот Емил Димитриев, со кого разговарале за исполнување на условите за веродостојни избори, спроведување на реформските приоритети и за поддршка на работата на Специјалното јавно обвинителство.

Претставниците на невладиниот сектор пак, на средбата со Хан побарале да се формира независно судско одделение што ќе работи на случаите на СЈО.