Од јули до декември 2013 се издадени вкупно 48 одобренија за употреба на објекти, покажуваат податоците на Државниот завод за статистика. Најголемиот број од нив - 37 или 77,1% од вкупниот број издадени добренија за употреба се за објекти од високоградба, 7 или 14,6% се за објекти кои поминале низ реконструкција, додека 4 или 8,3% се наменети за објекти од нискоградба. Вкупната проценета вредност на објектите изнесува 868 милиони 327 илјади денари. На 32 објекти како инвеститори се јавуваат физички лица, а на 16 објекти инвеститори се деловни субјекти. Во овој период е издадена употребна дозвола на 144 стана со вкупна површина од 10.044 метри квадратни.