Денешните случувања во Собранието потврдија дека токму Никола Груевски стои зад обидите да се блокира работата на Собранието и зад обидите да се блокираат реформските процеси и евроатлантската перспектива на Македонија, реагираа од СДСМ.

„Истовремено, тоа е потврда дека Христијан Мицкоски е само марионета на осомничениот Груевски и дека воопшто не поседува капацитет за да ја реформира ВМРО-ДПМНЕ. Тоа што ВМРО-ДПМНЕ претходно веќе го прифати Законот за употреба на јазиците, како и тоа што од 35 илјади, речиси 33 илјади амандмани се однесуваат само на казнените одредби, докажуваат дека поднесените амандмани на ВМРО-ДПМНЕ немаат врска со законот туку служат само за блокада на Собранието. Осомничетиот Груевски кој 11 години преку политиките на криминал, насилство, омрази и поделби ја уништуваше Македонија, продолжува да работи спротивно на интересите на граѓаните и државата. Со таквото однесување, Груевски ја води ВМРО-ДПМНЕ кон пропаст“- велат од СДСМ.

Од партијата додаваат дека Груевски го чека соочување со одговорноста за целокупниот криминал во изминатите 11 години и од тоа не може. 

Го повикуваме претседателот Ѓорѓе Иванов веднаш да прогласи вонредна состојба заради незаконско и неуставно носење на закон за јазици со кој се урива уставниот поредок и унитарниот карактер на македонската држава, соопшти ТМРО по денешните случувања во Собранието и усвојувањето на Законот за употребата на јазиците.