Денес напладне на плоштадот Македонија во Скопје папата Франциск ќе служи Света Миса. Се очекува на литургијата да присуствуваат околу 15 илјади луѓе и тоа не само од Македонија, туку и од Хрватска, Албанија, Косово.

Папата Франциск ја продолжува својата посета на Балканот. Северна Македонија ќе биде 42. земја во која ќе ја посети папата. За Република Северна Македонија ова ќе биде прв пат папата, да стапне на нејзино тло. Поради оваа причина имаше и дискусии дали утрешниот ден да биде прогласен за неработен.

Транспортот и паркирањето ќе бидат бесплатни. Секој сантиметар од посетата на папата беше педантно проверен, заварени беа дури и шахтите на плоштадот. Утрово во 6 часот целиот центар ќе биде блокиран.

Папата Франциск пристигнува во 8:15 по локално време со авион од Софија. На аеродромот ќе биде пречекан од премиерот Заев и претседателот Иванов. Формалниот пречек ќе биде во претседателската палата, ќе има средби со државниот шеф и премиерот.

Папата ќе го посети Музејот на куќата на Мајка Тереза. Во 2016 тој ја прогласи за светец. Мајка Тереза ​​е католик, Албанка по потекло, но е родена во 1910 година во Скопје под името Анеза Гонџа Бојаџиу. Во куќата музеј папата ќе има средба со претставници на различните вери - католици, православни, муслимани, со роднини на Мајка Тереза ​​и со сиромашни луѓе.

Во својата порака до граѓаните на Република Северна Македонија пред два дена папа Франциск истакна дека една од причините да дојде во Северна Македонија е токму Мајка Тереза. Освен тоа рече дека најубавото во македонската земја е дека на неа живеат различни етноси и култури. И еден мозаик е најубав кога има различни бои.

Мотото на папската посета е "Не плаши се, мало стадо", бидејќи папата има симпатии кон малите цркви во периферијата, каква што е и македонската католичка црква.