Нема дилеми дека Украина е веќе морален победник во овој конфликт бидејќи успеа зад својата кауза да го обедини демократскиот свет кој покажа невидена солидарност и поддршка во спротивставување на газењето на човековите права и посегнување по слободата на другиот, вели македонскиот претседател Стево Пендаровски. 

Рече дека станува збор за трагедија која влезе во нашите домови и во нашите мисли.

„Единството на демократскиот свет и натамошната поддршка за Украина е исто толку важна колку и решеноста на украинскиот народ да ја извојува победата“, рече Пендаровски.

Кажа дека руската агресија е војна на една диктатура против една демократија.

Собранискиот спикер Талат Џафери изјави дека ниту еден конфликт, ниту една одбрана немала подобро организирана воена, морална и секаква друга поддршка.

Украинскиот претседател Володимир Зеленски вети дека ќе ја добие војната со Русија.

фото Фејсбук