Вчерашниот прв училиштен ден на кој Претседателката Гордана Силјановска Давкова се појави со првачиња, беше повод за реакција од страна на професорката Билјана Ванковска.

„Претседателската функција на најниско можно ниво - со првачињата во “нејзиното” основно училиште. Ќе речете, баш симпатично и мило, жената се стопи од радост со дечињата. Мило да, ама …

Проблемот е што нејзината работа требаше да биде на највисоко и најсериозно ниво во областа на одбраната, безбедноста, меѓународната политика и НАЦИОНАЛНИТЕ ИНТЕРЕСИ - со мандат добиен директно од народот! Оваа девалвација зборува дека за неполни четири месеци се претвори во заменик министер за култура, спорт, образование … ама не и во шеф на држава!

А во светот цветаат рози, мир и прогрес…“, напиша таа на фејсбук.