За само неколку часа во канцелариите на ДИК низ земјава се собрани над 20.000 потписи за Стево Пендаровски, изјави денеска генералниот секретар на СДСМ, Алаксандар Кирацовски.

Кирацовски, кој е и шеф на Изборниот штаб на Пендаровски, денеска во Битола и лично, со свој потпис, ја поддржа кандидатурата на Пендаровски. 

„Од Охрид до Берово, од Тетово до Крива Паланка, од Битола до Скопје, Куманово…граѓаните масовно ја дадоа својата поддршка. Во историјата, оваа е единствената кандидатура за претседател на државата која е поддржана од над 20.000 граѓани, од 60 пратеници и од над 30 политички партии. Македонци, Албанци, Турци, Власи, Роми, Срби, Бошњаци…сите заедно се обединија околу Стево Пендаровски“, вели Кирацовски.

Шефот на Изборниот штаб на претседателскиот кандидат Пендаровски, на средбата со новинарите во Битола изјави дека очекува голема победа и избор на Стево Пендаровски за иден претседател на државата.