Најголемиот христијански празник Божиќ не ги спречи крадците да обијат две цркви во Маврово и да ги украдат парите собрани преку донации од верниците. Според информации на МВР засега непознати сторители, ги ограбиле црквите Св. Никола во селото Маврово и Св. Кирил и Методиј во Маврови Анови

Екипи на СВР Тетово извршиле увид и според нив тешките кражби најверојатно се случиле во периодот по полноќ на речиси идентичен начин. Во објектите е влезено со кршење на катинарите на влезните врати, а потоа биле разбиени и кутиите во кои се собираат парични прилози.

Од првичните сознанија, од црквата Св. Никола украдени се околу 7.000 денари и педесетина евра, а од Св. Кирил и Методиј само 7.000 денари.

По увидот, најдени се траги кои се предадени на вештачење, а полицијата трага по сторителите.