Догодина изградба на 64 станови за деца без родители
Изградба на нови 64 социјални станови наменети за децата без родители, се планираат за идната година, најави вицепремиерот и министер за финансии Зоран Ставрески.
„Определивме по 18.000 денари месечно да добиваат сите деца без родители што ќе одат на факултет. Владата донесе и одлука да им помага на децата без родители кога ќе го завршат образованието и да им додели и станови. За следната година се планира да бидат изградени 64 станови наменети за децата без родители, изјави Ставрески при предавањето на донацијата од вработените во УЈП за Домот „11 Октовмри“ во Скопје, а по повод Светскиот ден на даночниците.Од УЈП во Домот за деца без родители беа донирани два ЛЦД телевизора, осум микробранови печки и миксери, како одговор на барањето на надлежните во Домот за реализација на проектот за осамостојување на децата.
Слично
Поврзани вести
