Поради навреди кажани денеска во судот, новинарот Зоран Божиновски е казнет со 2.000 евра. 

„Не ви одговара тоа што го зборувам. Гладни сте за пари. Ова е лудница, не е судница. На 12 декември ќе снема пари во вашиот банкомат“ - рече тој. 

Божиновски со овие зборови се обрати на судијката по што беше казнет со 2.000 евра за непочитување на судот и непримерно однесување.

Новинарот рече и дека судот го смета за  злосторничко здружување, за што беше опоменат. 

„ДПМНЕ ме лови во две фази. Првата е од 1999 до 2002 година, по нивниот пораз на изборите кога нивното раководство нарача и изврши атентат врз мене во Куманово, кој го преживеав со тешки телесни повреди. Втората фаза е во јули 2006 година кога се вратија на власт и се обидоа да ме купат, но безуспешно. Сите обвинети во „Шпион“ сме следени од 2012 до 2013 година“ - додава новинарот. 

Тој  се товари за злосторничко здружување, шпионажа и за уцена.

Божиновски беше уапсен во Србија и екстрадиран во Македонија.