Обилни врнежи од дожд имаше во дебарско. Во последното деноноќие повеќе дожд падна во западните делови на земјава. 

Најмногу дожд наврна во Дебар, а најстудено беше на Шапка, соопштуваат од УХМР. 

За 24 часа 20 литри на метар квадратен наврнаа во Дебар, а најмалку, два сантиметри, во Демир Капија. Водниот талог е 17 сантиметри во Пожаране, 16 во Маврово, 15 во Тетово, 12 во Крушево, 9 во Охрид, 8 во Прилеп, 6 во Скопје-Зајчев Рид, Крива Паланка и Струмица, 5 во Скопје-Петровец и Берово, 4 во Претор, Битола и Куманово, како и 3 литри во Штип, Дојран и Ѓуриште. Најмногу снег има на Попова Шапка, 34 сантиметри. Снежната покривка во Лазарополе е 17 сантиметри, додека во Маврови Анови 12. Најниска температура утрово е измерена на Попова Шапка, -3, нула степени е во Пожаране и Ѓуриште, еден во Скопје-Петровец, Маврови Анови и Крушево, два во Скопје-З.Рид, Крива Паланка, Тетово и  Берово, три во Струмица и Куманово, 4 во Штип и Охрид, 5 во Прилеп, Претор, Дебар и Дојран, како и 6 во Битола и Демир Капија. Викендов во земјава ќе имаме дожд и снег. 

foto freepik