Германската канцеларка Ангела Меркел според информации кои ги лиферуваа анонимни извори, постои добра шанса да ја посети Македонија што ќе биде од исклучително значење за домашната политика и македонската дипломатија.

Меркел би гостувала во рамките на првиот Дигитален самит на земјите од Западен Балкан, на кој домаќин е токму Македонија во април по иницијатива на Министерството за администрација и информатичко општество, 

Од Кабинетот на Меркел пристигнала потврда дека ќе присуствува нивни претставник, но не е потврдено точно кој.

Меркел во Скопје би дошла за да даде свој придонес во поддршка на процесот за решавање на спорот за името со Грција како и официјална иницијатива за почеток на преговорите за членството во ЕУ без никакви нови или дополнителни услови за Македонија, но засега ништо од ова не е целосно потврдено од германска страна.