Министерот за внатрешни работи на Србија, Александар Вулин, изјави дека властите го знаат името на човекот од одделот од Министерството на внатрешни работи на Србија, кој „го разви системот на прислушување“ на претседателот на Србија, Александар Вучиќ.

Вулин за денешна Политика изјави дека министерството предводено од него „целосно го расчисти“ случајот со прислушувањето на претседателот.

"Апсолутно утврдивме кој го стави претседателот на мерките од Министерството за внатрешни работи. Многу добро знаеме кому му биле испратени извештаите и кој го нарачал. Постои името на човекот кој го разви системот за прислушување на Александар Вучиќ. Ние го знаеме и тоа име“, рече министерот.

Тој додаде дека името на тоа лице ќе и биде познато на јавноста кога Обвинителството за организиран криминал ќе го покрене обвинението.

„Сето тоа беше доставено до обвинителството и очекуваме да го квалификува делото“, рече Вулин.

Извор и фото: Бета.рс