Вучиќ жали што Македонија не ги почна преговорите со ЕУ
Српскиот претседател Александар Вучиќ вели дека не се радуваат на отворање на кластерот и посакуваат напредок и за Македонија.
На отворената седница на српската Влада, на која присуствуваше претседателот Вучиќ, тој оцени дека отворањето на кластерот 4 е важен сигнал дека ЕУ го поддржува натамошниот напредок на Србија на нејзиниот европски пат, но и дека во Србија се работело вредно и добро, јави дописникот на МИА од Белград.
„Ние сме единствената земја од Западен Балкан на која нешто и е отворено на меѓувладината конференција во Брисел. На тоа ние не се радуваме, затоа што би го сакале тоа и за другите, особено за нашите пријатели од Северна Македонија, но од билатерални причини тоа не го направија“, изјави Вучиќ.
Вучиќ оцени дека е забележливо дека Загреб и Приштина на најистакнат начин, но и делови од политичко Сараево изразуваат незадоволство и ја следат брзината на напредокот на Србија, зајакнувањето на нејзината финансиска моќ, но и зајакнувањето на армијата, со желба тоа да не оди со таа брзина.Македонија додека не го реши спорот со Бугарија, и додека не се тргне ветото, не може да ги почне преговорите со ЕУ.
фото Фејсбук
Слично
Поврзани вести
