ВТОР ТЕСТ: Лицето од Кочани не е заразено со коронавирус
И вториот тест на лицето од Кочани е негативен на коронавирус.
Министерството за здравство соопшти дека вториот, повторен тест на лицето од Кочани, чиј брис пристигна преку ЦЈЗ Штип е негативен на коронавирусот.
И првиот тест на пациентот од Кочани беше негативен, но заради типичните симптоми на вирусот, истиот се повтори.
Седум луѓе се тестирани денес од повеќе градови, но сите се негативни.Повеќето од нив се вратиле од странство и имале покачена температура.
Нов случај во земјава нема, а досега се заразени 18 луѓе.
Повеќето од заразените се од градот Дебар.
Дебар и Центар Жупа се во кризна состојба која ќе трае 30 дена.
Слично
Поврзани вести
