Втор ден по ред продолжува акцијата за расчистување на бесправно изградените и узурпирани објекти на кејот на Вардар во центарот на Скопје.

Градоначалникот Орце Ѓорѓиевски вчера рече дека ова се прави со цел заштита на јавниот интерес и обезбедување слободно, безбедно и достоинствено користење на јавните површини.

Акцијата, како што рече, се спроведува без никакви отстапки, со јасна порака дека јавниот простор им припаѓа на граѓаните и мора да биде достапен за сите под еднакви услови.

„Ги повикувам граѓаните на Скопје активно да се вклучат, да пријават објекти што го окупираат заедничкиот простор и да помогнат да изградиме град во кој владее ред, достоинство и еднаква пристапност за сите. Заедно градиме град каков што заслужуваме“ напиша Ѓорѓиевски на Фејсбук.