По обилните врнежи од дожд во наредните два дена можни се појави на поплави. 

Врнежите кои се очекуваат во текот на следните 24 часа ќе ги зголемат водните количини во реките и суводолиците, соопштуваат од Управата за хидрометеоролошки работи. 

Критичен е сливот на реката Црн Дрим, Радика, горните текови на реките Вардар, Треска, Црна Река и нивните притоки и суводолици. Во сливните подрачја на Радика и Црн Дрим на делови од помалите водотеци при појава на поројни врнежи, можни се излевања.

Од УХМР предупредуваат на внимателно движење покрај водотеците и суводолиците. Обилните врнежи и истекувањата на водите можат да предизвикаат појава на свлечишта и одрони.

На одредени места можно е да паднат по 50 или 60 литри на метар квадратен.