За „Вреди“, интерпелацијата на спикерот Африм Гаши е анти-НАТО експеримент и обид да се предизвика политички земјотрес за да се стави на тест владиното мнозинство. 

Од „Вреди“ велат дека целта на интерпелацијата не е одбрана на дипломатските односи со Косово, ниту на Охридскиот рамковен договор, туку за некој да проверел дали опозицијата можела да најде заеднички интерес да дејствува здружено.

„Како и во секој политички експеримент така и во интерпелацијата за претседателот на Собранието, Африм Гаши, има неопходни елементи. Потребен е мотив како аеродромскиот инцидент. Потоа, координирано се креира хистерија во јавноста. На фанфари се бара политичка одговорност. Се прави конструкција со обезбедувањето на претседателот на Собранието. Левица е подносител на интерпелација, СДСМ е поддржувач, а ДУИ бара алиби за јавно да влезе во ова друштво и од страничен подбуцнувач да ја преземе улогата на политички координатор“, се наведува во реакцијата на „Вреди“.

За полицијата, Гаши нема одговорност за настанот.