Нов протест ќе одржат денеска вработените во едно од најголеми Акционерски друштва под „закрила“ на државата, АД Пошта. 

Тие бараат исплата на платата за месец април, но воедно и итно да започнат реформи за реорганизација и оптимизација во работењето на оваа институција. 

Од синдикатот на АД Пошта посочуваат дека состојбите во неа се многу лоши, и неопходни се конкретни мерки за зачувување на работните места на вработените. 

- Поради сериозноста на состојбите во која е доведено опстојувањето на АД Пошта на РСМ, зачувувањето на работните места на вработените и егзистенцијатa на нивните семејства, синдикалните организации и вработените на ден 22.05.2024 год (среда) со почеток на работното време од 08.00 чaсот ќе одржат протест во сите подружници во Македонија - велат од синдикатот на АД Пошта.

Вработените, како што наведуваат од синдикатот, со протестот ја отпочнуваат постапката за штрајк.