Вработен во РЕК Осломеј дојавил лажна бомба во термоелектраната
МВР информира дека е уапсен вработен во РЕК Осломеј кој дојавил лажна бомба во термоелектраната на ЕСМ.
Според информациите на полицијата, тој го направил тоа за да излезе порано од работа и да оди во својата викендица.
- На 05.03.2026 во 03:30 часот, полициски службеници од Полициското одделение Осломеј го лишија од слобода Р.Б.(44) од Кичево, вработен во РЕК Осломеј. Тој, во 02:25 часот испратил порака на својот шеф со која го информирал дека, имал сознание дека во еден оддел во РЕК „Осломеј“ има поставена бомба. По преземени мерки и извршени проверки со обезбедувањето, полициски службеници констатирале дека нема поставено бомба и се работи за лажно пријавување.
По преземени мерки, Р.Б. е пронајден во викенд куќа во кичевското село Осломеј и е лишен од слобода. Притоа, тој признал дека е лажна пријавата и дека го измислил тоа за да може порано да си замине од работа, информира МВР.
Р.Б. е задржан во Полициската станица Кичево и по целосно документирање на случајот, против него ќе биде поднесена соодветна пријава.
Слично
Поврзани вести
