Возила „Гранд Чероки“ и „Фиат уно“ опожарени ноќеска на паркинг во Скопје
Половина час по полноќ во скопската населба Ново Лисиче се опожарени два автомобили.
Според полицијата се работи за џип „Гранд Чероки“ и автомобил „Фиат уно“.
Во инцидентот нема повредени, а неофицијални информации велат дека Џипот е на лице кое поседува неколку сендвичари во Скопје.
Жителите на булаварот „Видое Смилевски – Бато“ прво слушнале силен удар, а потоа и алармот на Џипот, но не успеале да го спасат возилото кое се уште и утринава е на паркинг пред зградата и се гледа големото оштетување.
Полицијата во текот на денот врши увид и оттаму ја отфрлија можноста дека е подметната бомба под џипот, како што пишуваа некои медиуми.
Слично
Поврзани вести
