Нема крај на несовесното возење низ градските улици. Секојдневно нови примери за хаосот во сообраќајот и непочитувањето на сообраќајните правила. 

Видеото објавено во групата „Ѕид на сообраќајниот срам“ на Фејсбук покажува уште еден возач кој претекнува преку две полни летни, вози во спротивната лента и поминува семафор на цврено светло.

Да биде парадоксот уште поголем, ова дрско непочитување на сообраќајните правила се случи на булеварот „Илинденски одреди“ во близина на Градскиот парк каде вообичаено има поголема фрекфенција од пешаци. Покрај непочитувањето и прегазувањето на двете полни ленти и возењето во спротивна насока, возачот помина и на црвено светло за автомобили со што ги изложи на ризик пешаците кои поминуваат на зелен семафор за пешаци  

- На Илинденска преку две полни линии во спротивна насока и на две црвени помина. Што побрзо да се пуштат камерите, ова е претерано - пишува во објавата на социјалните мрежи. 

Видеото може да го погледнете на овој линк.