Директорката на Националната агенција за европски образовни програми и мобилност, Лидија Димова, на својот профил на Фејсбук со статус „Сторено“ објави дека е поставена таблата со новото уставно име на институцијата која ја раководи.

Димова е позната како пратеник во претходниот собраниски состав, а беше возач на комбето на „Шарената револуција“.

Откако е назначена за директорка на крајот од 2017-та објави дека нема да се бави со политика додека е на функција.

„Мојата работа во Националната агенција за европски образовни програми и мобилност бара од мене да се посветам на евроинтеграциите на РМ, но исклучиво низ призмата на стручноста. Затоа, од денес натаму, ќе се воздржам од секакви политички коментари и моите партиски функции ќе ги ставам во мирување“, објави тогаш екс-пратеничката која жестоко ја критикуваше претходната власт.

Буџет на агенцијата која ја раководи е околу 350.000 евра, но распределува распределува грантови на училишта, градинки, универзитети, струденти, ученици, млади, спортисти, стручни соработници итн. во вредност од над 6 милиони евра