ВОЗАЧИ ВНИМАТЕЛНО: Ќе се вози по лева лента со 40 км на час
Ќе се изведуваат работни активности на влезот од тунелите Демир Капија (тунел 1) и Јаворица (тунел 2) на автопатот „Пријателство“ на делницата Демир Капија - Смоквица денеска од 9 и 30 часот, соопшти ЈП Македонија пат.
Поради овие причини сообраќајот пред тунелите ќе се одвива под посебни услови по левата коловозна лента со намалена брзина од 40 km/h.
Сообраќајот на државните патишта се одвива по суви коловози.Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата, информираат од АМСМ.
АМСМ препорачува внимателно возење, прилагодена брзина на движење и почитување на поставената сообраќајна сигнализација. Во клисурите и засеците можна е појава на одрони, особено на патните правци: Кочани - Македонска Каменица - Делчево, Виница - Берово, Гостивар - Стража, Маврово – Дебар - Струга, Демир Капија - Удово, Катланово - Велес, Крушево - Демир Хисар и Ресен - Буково.
Слично
Поврзани вести
