ВОЗАЧИ БИДЕТЕ ВНИМАТЕЛНИ ВО НЕДЕЛА - дел од улиците низ Скопје ќе бидат затворени поради трка
Во недела поради улична трка ќе има посебен режим на сообраќај во Скопје, објави Министерството за внатрешни работи.
- На 10.05.2025 (недела) во периодот од 08:00 часот до 11:30 часот, во организација на Сојуз на спортови на Скопје, ќе се одржи улична трка на 10 км, со стартна позиција на бул.„Илинден“ пред фонтана Лотос.
Натпреварувачите ќе се движат по бул.„Илинден“ до крстосница со ул.„Никола Парапунов“, потоа по ул.„Никола Парапунов“ до крстосница со бул.„Партизански Одреди“, десно до мост Влајко каде што вртат полукружно и назад по истиот коловоз до крстосницата со ул.„Љубљанска“ каде што вртат полукружно и по истиот коловоз се враќаат назад на ул.„Никола Парапунов“ и по бул.„Илинден“ до целта пред фонтана Лотос на бул.„Илинден“ во Скопје - се посочува во објавата на МВР на социјалните мрежи.
Од таму соопштуваат дека Единицата за безбедност на патниот сообраќај ќе преземе мерки за посебен режим на сообраќај, при што сообраќајот ќе се пренасочува по околните сообраќајници.
МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот
Слично
Поврзани вести
