Возач на БМВ загина кај клучката Мирковци во Скопје
Возач го загуби животот откако вчера попладне со автомобил излетал од патот на обиколницата Скопје – Тетово, во близина на клучката Мирковци.
Од Министерството за внатрешни работи информираат дека сообраќајната несреќа била пријавена во 15:50 часот.
Патничко возило „БМВ“ со скопски регистарски ознаки, управувано од Р.П. (44) од селото Сарај, скопско, излетало од коловозот. Возачот починал на местото на несреќата, а смртта ја констатирал лекар од Итната медицинска помош.
По насоки на јавен обвинител, телото на починатиот е предадено на обдукција. Увид на местото на настанот извршила екипа на СВР Скопје.
Слично
Поврзани вести
