Морбиден настан се случил во Тетово, кога 34 годишник со закана од нож, извршил полов однос со дете кое нема наполнето 15 години. Основното јавно обвинителство Тетово донесе Наредба за спроведување истражна постапка против 34-годишник за кого постои основано сомнение дека сторил кривично дело – Силување дете кое не наполнило 15 години, казниво според член 188 став 2 во врска со став 1 од Кривичниот законик.

„Осомничениот на 28.11.2024 година, во напуштен локал од градскиот трговски центар во Тетово, со употреба на сериозна закана со нож, насилно извршил полов однос со дете родено 2010 година, по што избегал. Детето исплашено од заканите на осомничениот кажало за настанот само на еден другар, се до 04.02.2025 година кога дознал братот на жртвата и веднаш пријавил во полиција.

По предлог на јавниот обвинител, на осомничениот му е определена мерка притвор во траење од 30 дена“, се вели во известувањето од Основното јавно обвинителство.