Во Тетово починати лица примале социјална помош
Во Тетово 134 лица добивале социјална помош речиси две години по смртта, изјави денеска министерката за труд и социјална политика, Фросина Ременски.
Таа објасни дека во Центарот за социјални работи иако знаеле дека лицата се починати и натаму им била исплаќана социјална помош.
„Нашите служби направија проверки во неколку Центри за социјална помош и пронајдоа голем број злоупотреби. 134 лица од Тетово добивале социјална помош речиси две години по смртта, а дел од нив се уште се наоѓаат во избирачкиот список. Ова е само дел од она што го пронајдовме“ - вели Ременски.
Таа додава дека наредните денови ќе бидат обелоденети злоупотреби и за други градови.
Слично
Поврзани вести
