Во селото Слепче во Демир Хисарр попладнево и официјално ќе биде отворена фабриката за  производство на балетски обувки и опрема „Гришко Македонија“. Погонот е гринфилд-инвестиција на познатата руска компанија Гришко која произведува папучи, чевли за сите танцови стилови, театарски костими, облека за фитнес, јога и други слободни спортски активности. Производите ги има во над 60 земји на повеќе континенти. Директорот на „Гришко“, Николај Гришко, во  октомври 2012 година беше во Македонија и имаше средби со министерот за странски инвестиции Бил Павлески и со министерката за култура Елизабета Канческа-Милевска, кога искажа подготвеност за поддршка на балетската уметност во Македонија и подобрување на условите во кои работат играчите на Балетот. На средбата во Министерството за култура тогаш тој донираше и книги - стручна литература  од областа на балетот.