На неодамнешната конференција, директорот на  LinkedIn Џеф Винер (Jeff Weiner) објаснил како компанијата бара сјајни луѓе. Тој вели дека во вработените бара страст и енергија, работна етика, истрајност, лојалност, желба за напредок, и го додава следново:

„Тоа се квалитети кои нужно не одат со степенот на образование, и кои често се занемаруваат кога луѓето ги гледаат работните биографии или LinkedIn профили. А повторно, неверојатно, сфаќаме дека ваквите луѓе најмногу и допринесуваат на нашата организација. Се повеќе слушам за ова мото: Вештини, а не дипломи. Вештините не ја исклучуваат дипломата. Само ни даваат поширока перспектива да одиме подалеку од дипломата.“

Значи, три зборови го менуваат целиот просец на вработување:

Вештини а не дипломи

„Некогаш се фалевме со тоа како вработуваме луѓе од најдобрите универзитети, и многу други компании работеа слична работа“, вели Винер и додава дека тој и неговиот тим набрзо сфатиле дека на тој начин сјајните таленти остануваат неоткриени.

Ласло Бок, авторот кој има бестселери и некогашен главен ХР во Гугл, објаснил за Њујорк Тајмс зошто во Гугл има се повеќе вработени кои немаат никакви (факултетски) дипломи:

„За две или три години, способноста за работа веќе не е во никаква врска со тоа какви сте биле во училиште, бидејќи вештините кои некогаш биле потребни во школо се менуваат. Исто така ви сте фундаментално поинаква личност. Учите и напредувате, размислувате за работите поинаку, заклучува Бок.

Јасно е дека Винер и неговиот тим одлучиле да им дадат шанса на талентирани, паметни, вредни, мотивирани луѓе кои можеби немале прилика и пари толку да се образуваат, туку биле принудени да работат и заработуваат свои пари. На нив сакаат да им дадат шанса, а можеби токму овие вработени им се покажале како добри на долги патеки.