Рударскиот град Пробиштип се соочува со недостаток на пожарникари. Според стандардите, на секои 1000 жители треба да има еден пожарникар, а во Пробиштип има еден на секои 2.200 жители. Пожарникарите се соочуваат со вистински проблеми, тие не можат да ги користат слободните денови ниту пак годишните одмори. Се соочуваат и со неквалитетна опрема која го отежнува процесот на гаснење на пожарите.

- Не можеме да ги користиме слободните денови. Во овој момент имаме и забрана за користење на годишни одмори, се до оној момент кога ќе се пополни доволниот број на пожарникари во единицата- изјави Милан Терзиќ, командир на ТППЕ-Пробиштип. Најголем проблем кај нас е тоа што опремата која ја користиме на терен не ни е сигурна, на моменти закажува, така што останува само да се надеваме дека ќе се случи таа најавувана набавка на нова опрема-додава Терзиќ

Во зимскиот период нема многу интервенции на отворено, но се интервенира по домовите, во гаснење на запалени оџаци и електрични инсталации. На секој повик на 193 на пробиштипјани, Терзиќ вели дека и во редуциран состав, секогаш излегуваат на терен.