Во Општина Чашка осми ден тлее пожар
Пожарот што се појави минатата недела меѓу селата Ораовец и Војница во Општина Чашка, уште тлее, а досега изгореа повеќе стотина хектари ниско стеблеста дабова шума.
Во гаснење на пожарот се вклучени пожарникарите од ТППЕ од Велес со четири противпожарни возила, а на помош им е противпожарно возило од Општина Чашка, заедно со вработени од ЈП „Македонски шуми“ Подружница Велес и вработени од ЈКП „Дервен“ и припадници од Армијата од велешкиот гарнизон како и од Дирекцијата за заштита и спасување.
Љупчо Лепидовски командир на ТППЕ Велес, за МИА вели дека очекуваат да пристигнат хеликоптери од Дирекцијата за заштита и спасување.
Слично
Поврзани вести
