Веќе се полни модуларната болница на Клиниката за инфективни болести. Од вчера до денеска таму се примени 15 пациенти, а има вкупно 72 болнички кревети. Овие информации доаѓаат директно од директорката на Инфективната клиника, д-р. Милена Стевановиќ за ТВ 21, која уште еднаш ги повика граѓаните да ги почитуваат мерките за заштита од корона вирусот. 

Истовремено, д-р Стевановиќ упати апел до сите граѓани кои се асимптоматски случаи да не доаѓаат на Клиниката за инфективни болести, туку да се лекуваат според советите и препораките од нивните матични лекари. 

И министерот за здравство, Венко Филипче, вчера предупреди на исполнување на болничките капацитети, потенцирајќи дека ако оценат преполнување и на резервните боолнички кревети, дека дефинитивно ќе биде воведен полициски час.