Намален бројот на туристи во март. 

Бројот на туристите во март 2017 година изнесува  43 033, а бројот на ноќевањата изнесува 91 532. 

Во однос на март 2016 година, бројот на гости е намален за 3.5%, а бројот на ноќевањата е намален за 3.2%.  Бројот на домашните туристи во март 2017 година, во однос на март 2016 година, е намален за 4.3%, а бројот  на странските туристи е намален за 3.1%.  Бројот на ноќевањата на домашните туристи во март 2017 година, во однос на март 2016 година, е намален  за 11.6%, а бројот на ноќевањата на странските туристи е зголемен за 3.2%, стои во соопштението на Државниот завод за статистика. 

Во периодот јануари - март 2017 година, во однос на истиот период од претходната година, бројот на  туристите е зголемен за 6.9% и тоа: кај домашните туристи има зголемување за 6.8%, а кај странските има  зголемување за 6.9%.  Во периодот јануари - март 2017 година, во однос на истиот период од претходната година, бројот на 
ноќевањата е зголемен за 5.6%. Кај домашните туристи има намалување за 1.8%, а кај странските има зголемување за 11.3%.

Најголем број од посетителите биле од Грција, Бугарија, Германија, Албанија и други земји. Најмалку гости имало од Исланд, Малта, Нов Зеланд и Јужна Африка. 

Земјата во февруари имаше раст на бројот на туристички посети. Според податоците на Државниот завод за статистика, бројот на туристите во февруари 2017 година изнесува 
36 869, а бројот на ноќевањата изнесува 79 860. Бројот на туристите во февруари 2017 година, во однос на февруари 2016 година, беше поголем за 13.6%, а бројот на ноќевањата зголемен за 10.3%.