Непознато лице од лажен профил на социјалните мрежи се претставува дека профилот е на актерот и шоумен Игор Џамбазов, и се обидува да изнуди пари и донации. 

Според објавеното на официјалниот профил на Џамбазов, за овој профил е објавено уште на почетокот на месецот, но истиот не е декативиран. 

„Пред извесно време бевме извесени дека некој го злоупотребува името и делото на Игор Џамбазов. Иако беше објавено на почетокот на месецот за овој случај, сепак профилот е сè уште активен. Затоа ве замолуваме да го пријавите лажниот лик кој има за цел да изнуди пари за наводно собирање донации“, пишува на фан страницата.

Ова не е првпат ваков случај. И во 2017 година лице користејќи го името на Игор Џамбазов бараше пари од граѓаните.