Медицинскиот кадар во ГОБ „8 Септември“ целосно подготвен чекаше да прими пациенти од Тетово по големата трагедија во која целосно изгоре модуларната болница, но оттаму не пристигна ниту еден.

-Повикав екипи, медицински сестри, болничари и лекари и целосно се подготвивме да примиме пацинти од тетовката модуларна болница која вчера вечерта целосно изгоре, но тука не донесоа ниту еден. Тука имаме 99 ковид-пациеднти, но во  ваква тешка ситуација подготвени сме веднаш да примиме уште 10 на кои им е неопходен болнички третман и тоа во одделенијата каде имаме центѕрален довод на кислород. Доколку има потреба да се примат и повеќе пациенти, подготвено е Одделението за абдоминална хирургија, и таму иако нема центѕрален довод на кислород, имаме доволно боци за сите пациенти на кои им е потребвна кислородна поддршка, посочо диртекторот на болницата, д-р Христијан Костов.

Во пожарот кој за само 15 минути целосно ја пеплоса модуларната болница во Тетово,  ОЈО потврди дека има 14 жртви, но велат дека можно е да има и повеќе.

Денеска во 10 часот е закажана и седница на Владата, по што се очекуваат и подетални информации.

А. Б.