Четири македонски градови вечерва се екстремно загадени. 

Многу високо загаден воздух е регистриран во Тетово, Куманово, Битола и Струмица. 

Високо загаден е воздухот во Кичево, додека во сите други градови аерозагадувањето е помало. 

Ова може да се забележи од податоците од мерните станици на Министерството за животна средина. 

Скопје утринава беше петти најзагаден град во светот, а вечерва е на 18 место. 

Вчера беше прв на листата. 

Балканците живеат во гасна комора, покажа најновиот извештај на Глобалната Алијанса за здравје и загадување. Македонија е на 13. место со 96 починати на 100.000 жители, на 18. место е Црна Гора (89), на 26. е Албанија (79) и на 34. место е Словенија со 68 смртни случаи како последица од загадувањето.