Во Дебар и Центар Жупа 11 луѓе во самоизолација
Стабилна
е безбедносната состојба на подрачјето на општините Дебар и Центар Жупа, каде е
прогласена кризна состојба.
Евидентирани се 11 нови лица во самоизолација на ова подрачје и извршени се 96 контроли врз овие лица.
„Според мерките предвидени во оперативниот план, полициските службеници реализираат мото-патролите низ градските средини и приградските населби. Притоа, не се регистрирани собирања на граѓани на јавни места, нема нарушувања на јавниот ред и мир и нема регистрирани сообраќајни незгоди“, информираат од полицијата.Во општините Дебар и Центар Жупа успешно се спроведуваат мерките за контрола при влез на патнички и други моторни возила, како и активностите за дотурот на храна, лекови, средства за лична хигиена и други потреби за граѓаните во двете општини.
„Сите правни лица кои вршат дотур треба да се најават во Кризниот штаб на фиксниот телефон 046/831 051 по што, нивните возила со полициска придружба ќе бидат спроведени до соодветните трговски објекти“, информираат оттаму.
Влезот е дозволен само на лица кои се жители на општините, а истовремено е оневозможен, односно строго е забранет излезот на сите граѓани затекнати на подрачјето на двете општини.
Кризната состојба за ова подрачје ќе заврши, и неизвесно е дали ќе биде продолжена.
фото Википедија
Слично
Поврзани вести
