Голем број граѓани кои се пријавиле дека ќе гласаат во амбасадата во Берн утрово уште од 7.00 часот се на гласачкото место за да го дадат својот глас за еден од политичките субјекти кои се во трка на Предвремените парламентарни избори.

Според македонското изборно законодавство, денеска гласање се спроведува во дијаспората.

Своето право на глас во странство државјаните на Република Македонија можат да го остварат во 41 дипломатско-конзуларно претставништво и конзуларни канцеларии.

Најмногу пријавени за гласање има во Берн 4.256, во Венеција, 2724, во Детроит 1.170, Њујорк 1.168, Мелбурн 1112... За овие избори за гласањето во Берн отворени се три дополнителни избирачки места, додека во Венеција две.