ВО АТИНА СЕ СРЕТНАА СТАРИТЕ ПРИЈАТЕЛИ: Заев и Ципрас велат дека Преспанскиот договор го признаа и сите кои пред три години се сомневаа во него
Двајцата пријатели и потписници на Преспанскиот договор, Зоран Заев и Алексис Ципрас, се срфетнаа во Атина.
Од Кабинетот на Заев известија за оваа средба.
„Премиерот Зоран Заев и вицепремиерите за европски и за економски прашања Никола Димитров и Фатмир Битиќи остварија средба со поранешниот премиер на Грција и актуелен лидер на политичката партија Сириза, Алексис Ципрас во Атина“, соопшти Владата.
Заев и Ципрас изразиле задоволство што Договорот од Преспа е силно признаен, препознаен и поддржан од сите чинители во регионот, Европа и пошироко, и што на него се гледа како пример за решавање спорови меѓу други држави.
„Денес придобивките од Договорот ги препознаваат и политички чинители кои од различни причини пред три години имаа сомнежи и неверувања“, беше нагласено на средбата.
„ЕУ треба да испорача кон земјите како Северна Македонија кои покажаа сериозни резултати на европскиот пат и со тоа да се оневозможат нови политички засилувања на националистичките и деструктивните политички чинители на Западен Балкан и во Европа“, заклучиле Заев и Ципрас.
Слично
Поврзани вести
