Ѓун Ѓунсој, главниот извршен директор на „Аџибадем Систина“, потврди дека 19 проценти од лицата кои биле тестирани во Клиничката болница имаат антитела на вирусот корона.

- Резултатите од досега спроведените серолошки тестови во „Аџибадем Систина“ покажуваат дека 19 проценти од лицата кои биле тестирани имаат антитела на вирусот. Овој процент само ја потврдува потребата од масовно тестирање на населението, бидејќи голем дел од тестираните кои се позитивни се без симптоми на болеста и се всушност најопасните пренесувачи на коронавирусот. Серолошките тестови се од голема важност за да се процени имунолошкиот статус на населението, открива Ѓунсој.

Според првиот човек на „Аџибадем Систина“ интересот за трите тестови е мошне голем.

- Интересот за тестирање е навистина голем, особено за новиот брз молекуларен тест, чии резултати се добиваат до 60 минути, но паралелно и понатаму секојдневно се вршат и тестирања со стандардниот PCR-молекуларен тест и серолошките тестови. Досега вкупно се направени над 4.500 тестирања. Пациентите имаат доверба во нашиот бренд и знаат дека кај нас добиваат најпрофесионална услуга во секој поглед, наведува Ѓунсој.

Целосното интервју на Ѓун Ѓунсој може да се прочита на следниот линк.