Внуката на македонскиот поет Никола Вапцаров, режисерката Маја Вапцарова денеска за бугарската БТВ изјави дека македонскиот јазик тешко може да се прифати во Бугарија затоа што е дериват на Бугарија.

„Главната идеја во создавањето на македонскиот јазик, која ја поттикнале Тодор Павлов, Цола Драгојчева, Крум Ќуљавков и Венко Марковски, како поет кој дошол од Скопје тогаш во Бугарија, заедно со неговата сопруга, и почнал да го создава овој македонски јазик, кој со ништо не се разликува од бугарскиот“, вели таа.

Години наназад во Бугарија имаше емисии во кои се говореше за ликот и делото на Вапцаров, за неговата смрт, бидејќи го стрелале во Софија, но Бугарите ја спореа и неговата нацонална припадност. 

На 23 јули 1942 година, на возраст од триесет и три години во Софија е стрелан Никола Јонков Вапцаров, роден во Банско. Вапцаров бил член на Сојузот бугарските писатели, и најголем талент меѓу Македонците кои твореле на други јазици, освен на македонски. Неговата  единствена стихозбирка, со наслов „Моторни песни“ зазема видно место во македонската и едно од важните места во бугарската литература, иако тој самиот, и во животот и преку својата поезија, недвосмислено изјавувал дека е Македонец, и покрај тоа што создавал на бугарски јазик. Неговата поезија е изразито патриотска, социјална, револуционерна и хуманистичка.