ВНИМАВАЈТЕ: Измамници се претставуваат во име на Македонски пошти за да извлечат пари
Граѓаните да не паѓаат во замка на измамници кои им бараат лични податоци. Група измамници се обидуваат да извлечат пари од граѓаните преку испраќање на СМС пораки, лажно претставувајќи се како Македонски пошти.
Во рамките на овој фишинг напад, пораките содржат линкови кои водат до лажна веб-страница. На оваа страница, жртвите се поттикнуваат да внесат лични податоци и информации за своите платежни картички.
„Ги советуваме граѓаните да бидат претпазливи и да не внесуваат лични податоци на сомнителни линкови. Ова е уште еден пример за обид за измама, чија цел е нанесување финансиски загуби на невнимателните лица“, предупредуваат од Македонски пошти.Лажната веб-страница е со едноставен дизајн, без никаква проверка на внесените податоци, и е регистрирана неодамна.
Слично
Поврзани вести
