Во синоќешното гостување на тв 24, министерот за внатрешни работи Панче Тошковски истакна дека ќе се истражува дали полицијата постапувала согласно полициските процедури и стандарди или не.

„Ќе треба малку време да се истражат овие процеси“ рече тој.

На прашање на новинарот, дали има сознанија дека полицијата лошо постапила, тој одговори дека има сомнежи и тоа откако е дојден како министер и за истите дал насоки да се истражат.

„Не би сакал во јавноста да давам изјави за кои се уште немам основано сомнение. Можеби и нема да биде така. Ако било се во ред, да го затвориме тој сомнеж, кој што не го имам само јас туку и други луѓе внатре во министерството“ рече Тошковски.