На масовна излезеност ги повика сопартијците реформаторот Петар Богојески кој неодамна е поставен за заменик генерален-секретар на ВМРО ДПМНЕ.

Богојески вели дека референдумот како идеја произлегол токму од ВМРО ДПМНЕ и дека најголемата опозиција нема да отстапи од истиот, односно ги напуштила ниските страсти.

Заменик генералниот-секретар на ВМРО ДПМНЕ појаснува дека дури 85% од членството на опозицијата е за  ЕУ и НАТО, и токму затоа ги повикува на поддршка и масовна излезеност, а лично право е на секој како ќе се определи.

За разлика од реформаторите , лидерот на партијата Христијан Мицкоски и дел од пратениците се уште не го кажуваат ставот во однос на референдумското прашање.

Богојески како дел од реформаторското крило во ВМРО ДПМНЕ се залага за реформи во партијата и демократски промени кои први го повикаа Груевски да се повлече од лидерската позиција лани.

Покрај Богојески претставници на Внатрепартиската Иницијатива за реформи во ВМРО-ДПМНЕ се Александар Михајлоски, Костадин Богданов и Драган Лазаров .