ВМРО-ДПМНЕ и денеска  излезе со нови пораки со кои тврди дека се правело „црн“ список на сопственици на возила со конкретно запишани регистерски броеви за поддржувачи на ВМРО - ДПМНЕ во Прилеп  кои требало да ги малтретираат. Тврдат дека се измислувале сообраќајни прекршоци. 

Сметаат дека клучна фигура во оваа акција биле министерот за внатрешни работи Оливер Спасовски и негови блиски луѓе. Од ВМРО-ДПМНЕ прашуваат дали овие 40 тина полициски службеници и лица инволвирани  во  аферата  постапувале согласно законот или дејствувале во име на партијата.  Од полицијата пак и денеска преку соопштение тврдат дека ВМРО - ДПМНЕ изнесува невистини и дека немаат ниту еден доказ за тоа. Од СДСМ ги отфрлаат  обвинувања на ВМРО-ДПМНЕ и негираат каква било поврзаност. 

На 19 месецов, независниот кандидат за градоначалник Максим Димитриевски беше запрен од полицијата и однесен на технички преглед со возилото, за што тој рече дека е срам за демократијата.